It's Showtime

Kung may sariling opinyon, 'yan ay karapatan! Basta't may respeto pa rin, huwag matatakot ipahayag ang paninindigan. Nagbabalik ang limang Miss Q and A 'ResBAKS' na sa talakan ay walang inuurungan, sa weekly finals ng Resbakulawan round. Pare-parehong 'nalotlot' sa unang sabak sa pagtalak, but now they're back stronger and fiercer, still with a dash of laughter. From the daily Resbakulawan, oras na para sa final face-off nina Barbie Bratz Ayuda, Andrea Jane Peralta, Misis Jawo, Miss Mia, at Carla Flores Argonza sa “It’s Showtime” July 25 episode. Hindi maiwasan ang lutang moments sa unang round. May nabibingi sa tanong, at merong hula-hula lang ang sagot. Si Andrea ang unang naligwak sa laban. Pero bumawi ang candidates sa Wit Lang round. Pagkatapos ng Wit Lang, sina Barbie Bratz at Carla ang umangat at nagharap sa Beklamation, kung saan pareho silang palaban sa katanungan na, "Ano ang mas gusto mo, maging pride o joy ka ng magulang mo?" Naghatid nga ng pride at joy sa kanyang mga magulang si Carla dahil siya ang kinoronahan bilang Miss Q and A Resbakulawan weekly winner. Ika'y mapapangiti sa ganda ni Bianca Umali, na guest co-host nina Vice Ganda at Amy Perez sa Laro Laro Pick, July 25 episode ng “It’s Showtime,” kung saan bumida ang mga taga-Don Bosco, Paranaque. Si Joan ay tumama kaya siya ang umabante sa jackpot round for the chance to win P100,000. Matapang na sinugalan ni Joan ang POT question, ngunit bigo siyang maibigay ang tamang sagot. Sa dulo ng programa, naglabas ng isang statement si Vice Ganda. Aniya, nakarating sa pamunuan ng "It's Showttime" ang mga komento ng viewers at netizens na na-offend o hindi nagustuhan ang ilang jokes ng hosts, partikular na sa 'Memerimar' episodes sa Laro Laro Pick kaya naman humingi ng dispensa si Vice. #ShowtimeGilingQandA #ItsShowtimeFullEpisode #ABSCBNEntertainment